I skived aff school...AGAIN-for feck's sake, where's it a' going tae end!
I spent most o' the day in ma bedroom playing records, although later oan in the afternoon I went oot and did a wee bit running oan ma own, which I quite enjoyed-I felt like I wiz just floating along ower the ground.
A telly evening and a very guid yin at that as it hit a' the right spots fir me; there wiz a new series oan called 'The Partridge Family' wie a delightful wee mix o' comedy 'n music.
It wiz followed by 'The Virginian'-I like ma westerns-I take after Gaga that way, although he also reads them tae-the likes o' Zane Grey; J.T. Edson; and Louis L'Amour. Mid-evening, Mike Yarwood wiz oan-brilliant.
And then late oan something fir the intellect-'The Great Debate' chaired by Robin Day-it wiz a' aboot whether we should join Europe or not-should we enter 'The Common Market'. I wiz fascinated by it and I stayed the whole course watching it until 1.00 a.m. in the morning.
There wiz some pretty big hitters oan-Barbara Castle; Chris Chataway; and Teddy Taylor. And Retep's verdict? I'm a' for it-we should join!